OM VESLE BAKERI

BAKEREN

Bakeren i Vesle Bakeri er meg, Andrine. Eg er ein sivilingeniør med mastergrad i petroleumsteknologi frå NTNU og har arbeidd i boring og brønn i Equinor i 15 år. Ilag med mann og våre 3 barn bur eg på Bryne. 

Baking er min hobby som har blitt ein større og større del av mi fritid dei siste åra. Eg har alltid likt å bake og lage mat, og har fått med meg mykje matradisjon frå oppveksten i Utvik. Ferdigmat var noko eg vart kjend med i vaksen alder. I 2009 flytta vi til Bryne etter fleire år i Trøndelag, og i 2011-12 bygde vi oss ein vedfyrt steinovn i hagen. Dette vart starten på baking i ein litt større skala enn tidlegare. Ovnen bygde vi mest med tanke på pizzabaking då det er ein dome. Men vi fann fort ut at her var det potensiale for anna bakst og. Eg fekk ei brukt, stor eltemaskin til jul og då var vi i gong. I starten baka eg brød med gjær. Eg sysla litt med surdeig uten å få det til. Lagde brød med litt gjær og litt surdeig og tykte smaken og konsistensen ved å ha litt surdeig blei bra. 100% surdeigsbrød derimot var ingen stor suksess i starten. Eg hadde igrunn gitt opp heile surdeigen, men gav det et siste hederlige forsøk hausten 2018. Og då knekte eg koden. Etter det har eg ikkje baka med gjær. Alt eg bake både av søtbakst, pizza, runstykker og brød er med kun med surdeig som hevemiddel. Gjær har vi ikkje hatt i hus på over 2 år. 

BAKERIET

VEDFYRT STEINOVN

Vår vedfyrte steinovn er eit byggesett vi har bygd inne som ein del av hagestova. 

Isolasjon. Ovnen er godt isolert både i golvet under og rundt ellers for best mogleg å halde på varmen. 

Temperaturkontroll. Ein vedfyrt steinovn av denne typen har i utgangspunktet ingen temperatursensorer. Vi har installert ein temperatursensor i golvet under ovnen. Formålet med denne er å få informasjon om kor metta ovnen er med varme og kor mykje vi må fyre. 

Isolert dør. Ovnen vart levert med ei tynn uisolert dør. Vi har fått laga ei isolert dør hos ein lokal smed. Dette gjer at vi kan halde temperaturen jamn lenger. Det er ein fordel om du ønsker å bake brød i fleire omgonger. I døra har vi fått laga ein gjennomføring til ei temperaturprobe slik at vi kan måle temperaturen inne i ovnen uten å åpne døra. Begge temperatursensorane kobler vi til ein temperaturlogger som heng på veggen på utsida av ovnen.   

Infrarød termometer pistol. For å finne rett baketemperatur måler eg temperatur i tak og golv med en infrarød pistol. For brødbaking sikte eg på noko rundt 270-280 grader. Det er viktig at ovnen er metta og stabilisert når temperaturen blir målt. Hvis ikkje er det ein risiko for at ovnen er varmare enn du trur og brød blir svidde. 

ROFCO B40

Inne i bakerommet mitt har eg ein elektrisk steinovn av typen Rofco b40. Dette er ein ovn eg fekk meg hausten 2020. Ein steinovn med 3 separate steinplater. Hyllene har kvar sine varmeelement og ovnen går på vanleg straum. 

Dimensjon. 55x60x98 cm

Damp. Ovnen har ikkje automatisk dampfuksjon, men du kan bruke lause dampkar til å tiføre damp på ein god og kontrollert måte. Ein for kvar hylle.

HOBART ELTEMASKIN

Dei fleste deigane eg lager elter eg med maskin. Mange foretrekker også å elte surdeigsbakst for hand, spesielt ved bruk av svakare mjøltyper. Eg liker godt å elte, men følger med slik at tida blir tilpassa behovet til dei ulike deigane. Maskina eg bruker er ei gammal Hobart eltemaskin type A200 som eg fekk til jul for 10 år sidan. Ho er kjøpt brukt frå eit skulekjøkken i England. Ei god og solid maskin. 

STEIKETERMOMETER

Eit av dei viktigaste redskapa eg har er steiketermometerert eg sjekker kjernetemperatur med. Steiketid kan variere og eg liker baksten best når den er steikt, men ikkje meir enn det heller. Skorpa på brøda skal vere tynn og sprø. Ved for lang steiketid blir den for tjukk etter min smak. Eg bruker eit termometer som går på batteri og som gir rask temperatur. Tynn spiss som er lett å stikke inn i bakverket for en rask sjekk.